“Sikapin nating kumawala sa tanikala ng pagkaalipin sa ilalim ng maling pagkakaunawa sa katagang relihiyon upang makarating sa katotohanan”—rmg…
…HANGGANG SA ABUTIN NATING LAHAT ANG PAGKAKAISA NG PANANAMPALATAYA
“At wala na ako sa sanlibutan, at ang mga ito ay nasa sanlibutan, at ako’y paririyan sa iyo. Amang Banal, ingatan mo sila sa iyong PANGALAN yaong mga ibinigay mo sa akin, upang sila’y MAGING ISA, na gaya naman natin.” (Juan 17:11)
“Upang silang lahat ay MAGING ISA; na gaya mo, Ama, sa akin, at ako’y sa iyo, na sila nama’y sumaatin: upang ang sanllibutan ay sumampalataya na ako’y sinugo mo.” (Juan 17:21)
“At ang kaluwalhatiang sa aki’y ibinigay mo ay ibinigay ko sa kanila; upang sila’y MAGING ISA, na gaya naman natin na IISA.” (Juan 17:22)
“Ako’y sa kanila, at ikaw ay sa akin, upang sila’y MALUBOS SA PAGKAKAISA; upang upang makilala ng sanlibutan na ikaw ang sa akin ay nagsugo, at sila’y iyong inibig, na gaya ko na inibig mo.”(Juan 17:23)
“Hanggang sa abutin NATING LAHAT ang PAGKAKAISA NG PANANAMPALATAYA, at ang pagkakilala sa Anak ng Diyos, hanggang sa lubos na paglaki ng tao, hanggang sa sukat ng pangangatawan ng kapuspusan ni Kristo; (Efeso 4:13)
Sapagka’t sino sa mga tao na nagtatanyag na mga kaibigan ng Diyos at ni Kristo ang pumansin ng mga talatang nasa itaas? Sino sa kanila ang naglaan ng oras upang pagnilayan at pag-isipan kung paano magkakaroon ng katuparan ang nais ng Panginoong Hesus na papagkaisahin ang mga tao sa pananampalataya?
Ang “lahat” ng nasa “relihiyon ng mga tao” ay naging abala sa pagpapalago ng itinayo at itinatag nilang organisasyon upang gamitin sa panghihikayat at upang gawing kasangkapan sa kanilang pangangalakal.
Mga kapatid ko, huwag tayong tumulad sa kanila. Palagi kong sinasabi, punuin natin ng katuwiran, karunungan at katotohanan ang FACEBOOK hanggang sa ang lahat ay LUMAYA sa ilalim ng mga maling katuruan at doktrina ng mga tao.
Sumaatin nawa ang Banal na Basbas ng Kataas-taasan!
Posted: 18 January 2019
https://www.facebook.com/2001899099855730/photos/a.2001925609853079/2115721975140108/?type=3&theater